Our History

“Kay hinigugma gud han Dyos an kalibutan, nga iginhatag Niya an Iya bugtong nga Anak, basi diri unta mamatay an ngatanan nga nasarig ha Iya, kundi makaangkon han dayon nga kinabuhi”. –Juan 3:16--

Tungod hini nga gugma damo nga katawhan han bug-os nga kalibutan an nakakilala ngan kinmarawat han Dyos komo ira Ginoo ngan Magtaralwas. Damo an magraut nga mga tawo an nabalhin han ira mga kinabuhi pagkarawat ha Iya. Nagkamay-ada paglaum an katawhan han kalibutan. Ginpakita ni Hesus an Iya pagigin usa ka Magtaralwas nga Dyos. Hiya ginsakit, ginyubit, ngan ginraysang ha krus. Kundi waray Hiya magpabilin nga patay. Hiya nabanhaw ngan nagsaad nga mabalik ngahaw pagkuha han matinumanon nga mga Kristohanon para makig-usa ha Iya ginhadian—usa nga katataporan nga saad nga angay gud naton kaptan tubtod ha katapusan.

Amo man nga gugma an Iya ginpakita ha aton minayuyo nga baryo han Jabong. Bulan han Disyembre tuig 1992, naabri an Pulong han Ginoo dinhi nga dapit. Gingamit han Ginoo an kinabuhi nira Sister Consorcia Prisno ngan Sister Maria Andaya nga tikang ha Living Waters Fellowship, usa nga Foursquare Gospel Church, han syudad han Tacloban. Ha kamatuoran, waray pagmitingi nga magtitindog hin singbahan hini nga dapit han syahan. Hi Sister Consor, komo usa nga taga-Jabong, in may-ada nga hagna dinhi nga kinahanglan niya pag-atimanon. Tikang ha Tacloban napakanhi hiya pagburu-bisita para pagkita-kita han iya kahagnaan. Hini nga iya pagburu-bisita, waray niya hingalimti an Pulong han Ginoo nga nahisurat ha Mateo 28: 19-20 nga nasiring: Sanglit pakadto kamo ha ngatanan nga mga katawhan ha bug-os nga kalibutan ngan himoa hira nga Akon mga tinun-an. Bunyagi hira ha ngaran han Amay, ngan han Anak, ngan han Espiritu Santo ngan tutdoi hira han ngatanan nga Akon iginsugo ha iyo. Ngan hinumdomi! Dayuday Ako maupod ha iyo ha ngatanan nga mga katuigan tubtob han katapos han kalibutan.” Tungod hini, nagsangyaw hiya han Pulong han Ginoo ha mga katawhan han Jabong. Ngan waray ini makawang kay nagkamay-ada Bible study ha panimalay nira Brother Teodoro ngan Sister Florencia Tindoy. Amo ini an gisasyahani nga pag-aram han Pulong han Ginoo hini nga dapit ngan gintambungan ini hin 15 ka tawo. Dinhi nagtikang an katanom han Pulong ha mga kasing-kasing han tawo.

Tuig 1993 bulan han Enero nadugangan an Bible study hin usa. Nagin sentro han usa pa nga pag-aram han Bibliya an panimalay nira Sister Juliet Ripalda. (Xmissing page 2X)

XXXXXXX

….milagro nga ginhimo han Ginoo amo an pagtambala Niya han sakit ni Sister Rona Diaz nga hadto nga panahon, waray gud matatambal. Ha amo gihapon nga mga tuig, ginpadara han Ginoo hi Sister Wilma Retorca nga amo liwat an nagsangyaw han Pulong han Ginoo pinaagi han matinumanon nga paghatag han ikanapulo nga bahin ngan han mga offerings ngadto ha Dyos. Kaupod niya hini nga mga panahon hi Sister Belen Morante. Dida liwat han Oktubre 27, 1995, gindumara an ikaduha nga bautismo didto han dagat ha may Balyuan Tower ha syudad han Tacloban nga ginpangunahan ni Rev. Rewel Buctuan. An ginbawtismuhan amo hira Sister Rosing Garcela ngan Brother Genaro Condes.

Tuig 1996 inmabut an bag-o nga EVD Supervisor nga saliwan kan Rev. Rewel Buctuan. Amo hiya hi Rev. Herme Quiliope nga tikang ha Negros Oriental kaupod han iya bug-os nga pamilya. Padayon an mga buruhaton para Ginoo ha Jabong. Nagpadayon an mga Bible studies ngan ini in nagin mabinungahon. Dida han ika-24 han Disyembre 1998, upat nga mga kalag an ginbautismuhan. Amo ini hira Sister Vilma Garcela, Sis. Vergie Diaz, ngan Sis. Florencia Tindoy. Ini nga ikatulo nga bautismoin gindumara ni Ptra. Marrieta Ygana didto ha Bachelor Beach Resort, Tanauan, Leyte. Pagaka-Marso 22, 1999, ginbuhat liwat an ika-upat nga bautismo ha tubig. An mga ginbawtismuhan amo hira Bro. Teodoro Tindoy ngan Sis. Marlyn Maluping. Ini in ginbuhat didto ha Bachelor Beach Resort, Tanauan, Leyte ha pagdumara ni Rev. Herme Quiliope. Dida liwat han ika-29 han Agosto 1999, ginbawtismuhan ni Rev. Herme Quiliope hi Sis. Rona Diaz didto ha YKS Beach resort, San Jose, Tacloban city. Amo ini an ikalima nga bawtismo nga gindumara ha iglesia han Jabong.

Diri gud malikyan nga kon damo na an mga sunud-sunod nga mga problema, an usa nga pastor han singbahan in manluya. Bisan ngani an mga Kristohanon ha panahon ni Apostol Pablo, umabat gihapon hin sugad nga problema. Kundi hiya nagdasig han matag-usa nga magin marig-on tubtob han pagbalik han aton buhi nga Dyos. Amo man nga sitwasyon an gin-again ni Ptra. Marrieta. Dida han Setyembre 1999, nagbakasyon an pastora tungod han diri maupay nga kahimtang han iya lawas ngan gin kinahanglan niya hin pagpahuway. Tungod hini nga panhitabo, nawarayan hin magtarangway ini nga iglesia. Dida han bulan han Oktubre, nagkamay-ada meeting an District Council ngan napagkaurusahan han mga pastor nga sarhan la anay an iglesia han Jabong. Tungod hini, dinmugang an kaluyahon han mga Kristohanon dinhi ha aspeto ispirituwal. Kundi darawayon gud an Ginoo kay waray tiya itugot nga an ministeryo nga natikangan ha Jabong in makawang la. Waray kadayon pagsarhi an iglesia han Jabong.

Dida han ika-23 han Enero 2000, nagtikang an ikaduha nga balitang ha kinauhi han nga Kristohanon hini nga dapit. Ginpadara han Ginoo pagbalik ha Jabong hira Sis. Consorcia Prisno ngan Sis. Wilma Retorca kaupod han iya anak nga hi Ptra. Jeanisa Paragas. Hi Ptra. Jeanisa amo an sinmaliwan kan Ptra. Marrieta komo pastor han singbahan han Jabong. Ini nga b ag-o nga pastora in first year college student pala han World Evangelism Bible College (WEBC) ha Bgy. San Rafael, Dulag, Leyte. Disiotso pala an iya panuigopn hini nga mga panahon. Bata pa hin duro para kumapot hin sugad nga dako nga responsibilidad. Kundi iya ini ginakarawat tungod han iya dako nga gugma han Dyos. Tungod hini, nahibalik an pagkadasig han mga magtinuohon dinhi ngan nagkamay-ada na mga young people ngan iba pa nga mga tigurang nga nakabig dida ha Ginoo.

Abril 22-23, 2000, nagkamay-ada Seminar of Revival ha Jabong nga ginpangunahan han aton EVD Supervisor Rev. Herme Quiliope ngan han iya asawa nga hi rev. Ruth Quiliope; Rev. Jerry Valde, an Bethel Division Coordinator; Sis. Thessa Estola, bro. Dicoy Cadizal, Bro. Jojo Estola, ngan Bro. Venerando Cejas, an EVD Youth Coordinator. Hini nga Seminar of Revival, damo an ginbuhat han Dyos. Nahibaro hin dugang an nga Kristohanon parti han Pulong han Dyos ngan nahibaro gihapon hira kon papaunanho magin usa nga madinaugon nga Kristohanon.

Dida han ika-5 han Mayo 2000, naabrihan an outreach ha bungto han Tabontabon ha panimalay nira Sis. Rebecca ngan Artemio Cervantes. Nagpadayon ini nga outreach dinhi nga kaurogan mga estudyante an nag-aatender kay harani man la an panimalay han eskwelahan. An natambong in 30 ka tawo an average. Gindumara ini nga Bible studies ni Sis. Wilma Retorca ngan gin-assistiran liwat hiya ni Bro. Leo Fernandez nga hadto nga mga panahon, estudyante pa han high school. Nagpadayon ini nga buruhaton dida ha Tabontabon. Hini gihapon nga panahon, naabrihan an Pulong han Ginoo ha baryo han Belisong nga kasapit la nga barangay han Jabong.

Dida han pagkapot ni Ptra. Jeanisa komo pastor han Jabong, gin-asistiran liwat hiya hin mga estudyante nga tikang ha Bible school. Amo ini hira Grace Sambire, Myralyn Alota, Zenia Catarig, Abigail Damiao, ngan Helen Tanzon. Dako gud an ira naibulig han singbahan han Jabong ha pagpauswag han ministeryo dinhi.

Dida han ikaduha nga semester han SY 1999 – 2000, usa nga batan-on han Jabong in sinmulod ha Bible school. Amo ini hi Bro. Brando Mondragon. Naabat niya nga gintawag hiya han Ginoo para umeskwela hini nga Bibile school ngan pagtun-an an Pulong han Dyos. Darayawon gud an aton buhi nga Dyos.